رات کے دو بجے جب کوئی گہری نیند سو رہا ہو یا

رات کے دو بجے جب کوئی گہری نیند سو رہا ہو یا کوئی طالب علم پڑھائی میں مشغول یا پھر کوئی عابد الله سے لو لگانے ہوئے ہو یا کوئی صاحب ذوقِ مطالعہ میں مصروف ہو یا کوئی مجھ جیسا بد ذوق مبتلائے فیس بک ہو .....

اچانک بےہنگم شور پٹاخوں اور دھماکوں کی آواز سے پورا محلہ گونج اٹھے، جنگل میں منگل کا سامان ہو جائے، ہوائی فائرنگ کی آوازیں اور فلمی موسیقی کا بیہودہ الاپ ....
پوچھنے کی ضرورت نہیں ......
کوئی کم پڑھا لکھا یا پڑھا لکھا جاہل رشتہ ازدواج میں بندھا ہے۔ اور شاید اپنی آزادی کی آخری رات منانے جا رہا ہے ......
لگتا ہے جیب میں پیسوں کی کمی نہیں، ہاں خاندانی تربیت اور مذہبی اخلاقیات کی کمی ضرور دکھائی دیتی ہے۔

جناب آپ کی شادی ہے ، توہمارا کیا قصور ہے ...؟؟

میں طالب علم ہوں مجھے پڑھنا ہے ،
میں مزدور، نوکری پیشہ ہوں مجھے صبح جلدی اٹھنا ہے،
میں عابد ہوں مجھے الله سے راز و نیاز کرنا ہے ،
میں شاعر ہوں غزل لکھ رہا ہوں ،
میں دل کا مریض ہوں ،
میں نے نیند کی گولی کھائی ہوئی ہے ،
میں میں میں میں ...........

لیجئے بد دعاؤں کا انبار لگ گیا .......
افسوس۔۔ بڑی بے برکت رہی آپ کی شادی کی رات۔۔
گو کہ روشنیاں ہیں، شور شرابہ ہے، شکم مرغن کھانوں سے پُر ہیں، لیکن .....
کتنے اپنوں کی دعاؤں کے ساتھ کتنے لوگوں کی اَن کہی بد دعائیں بھی آپ کا مقدر ہو گئیں.........!